សេចក្តីណែនាំស្តីពីការចុះឈ្មោះប្រឡងជ្រើសរើសនិស្សិតចូលរៀនថ្នាក់ឆ្នាំសិក្សាមូលដ្ឋាន កម្រិតវិស្វករ នៅវិទ្យាស្ថានបច្ចេកវិទ្យាកម្ពុជា (រាជធានីភ្នំពេញ និងសាខាខេត្តត្បូងឃ្មុំ)៖
(១) បេក្ខជនអាចចុះឈ្មោះប្រឡងតាមប្រព័ន្ធអនឡាញ ឬនៅវិទ្យាស្ថានបច្ចេកវិទ្យាកម្ពុជាផ្ទាល់
(២) បេក្ខជនត្រូវបំពេញជាលេខអារ៉ាប់នៅក្នុងការចុះឈ្មោះប្រឡង តាមរយៈប្រព័ន្ធអនឡាញ (ឧទាហរណ៍៖ 0 , 1 , 2 , 3 , 4 , 5 , 6 , 7 , 8 , 9)។
(៣) បេក្ខជនត្រូវបំពេញគ្រប់ព័ត៌មានទាំងអស់នៅទំព័រចុះឈ្មោះបេក្ខជនប្រឡង (ទំព័របន្ទាប់)។
(៤) បេក្ខជនត្រូវបំពេញលេខទូរស័ព្ទផ្ទាល់ខ្លួនដែលអាចទាក់ទងបាន និងកំពុងប្រើប្រាស់ជាមួយកម្មវិធី Telegram។
(៥) បេក្ខជនត្រូវពិនិត្យនិងផ្ទៀងផ្ទាត់ព័ត៌មានដែលបានបំពេញរួចឱ្យបានត្រឹមត្រូវ មុននឹងចុចប៊ូតុង “ចុះឈ្មោះ”។
(៦) បេក្ខជនត្រូវចងចាំ “លេខសម្គាល់បេក្ខជន (ID)” ដែលប្រព័ន្ធបានកំណត់ឱ្យ។ លេខសម្គាល់បេក្ខជន នឹងត្រូវប្រើសម្រាប់ការប្រឡង។
(៧) បេក្ខជនត្រូវថតទុកព័ត៌មាននៅទំព័រចុងក្រោយដែលខ្លួនបានចុះឈ្មោះ។
(៨) បេក្ខជនត្រូវស្កេន QR Code ចូលក្រុម Telegram បេក្ខជនប្រឡងដើម្បីទទួលបានព័ត៌មានផ្សេងៗ។
(៩) បេក្ខជនត្រូវបង់សិទ្ធិប្រឡងចំនួន ១២០០០ រៀល (មួយម៉ឺនពីរពាន់ រៀលគត់) ទៅបង់ប្រាក់នៅបញ្ជារបស់គណនេយ្យដោយផ្ទាល់។ បេក្ខជនត្រូវសរសេរ “លេខសម្គាល់បេក្ខជន (ID) និងឈ្មោះជាអក្សរឡាតាំង” ត្រង់ “កំណត់សំគាល់ (Remark)” (ឧទាហរណ៍៖ 0168-SOK SAMNANG)
(១០) បេក្ខជនដែលក្លែងបន្លំព័ត៌មានឬឯកសារចុះឈ្មោះប្រឡងនឹងត្រូវធ្លាក់ដោយស្វ័យប្រវត្តិ ទោះបីបេក្ខជននោះប្រឡងជាប់ស្ថាពរហើយក៏ដោយ និងត្រូវទទួលខុសត្រូវចំពោះមុខច្បាប់ជាធរមាន។
(១១) លេខទូរស័ព្ទទាក់ទង៖
(១២) គណៈកម្មការប្រឡងជ្រើសរើសរក្សាសិទ្ធិក្នុងការកែប្រែលក្ខខណ្ឌចុះឈ្មោះនិងដំណើរការប្រឡង ក្នុងករណីចាំបាច់។